Kreu i ARRSH, Afrim Qendro ka dëshmuar ditën e sotme në Prokurorinë e Tiranës pas zbulimit të skandalit që fshihej pas kompanisë që do ndërtonte lotin e parë të Unazës së Re, ‘DH Albania’, e cila kishte falsifikuar dokumentet për marrjen e tenderit.
Burime për Balkanweb kanë bërë me dije se Qendro ka mohuar kategorikisht se ka shkelur ligjin për tenderin dhe është shprehur para trupit gjykues se ka zbatuar ligjin.
Në përfundim të marrjes në pyetje Qëndro i është përgjigjur interesit të medias dhe ka treguar shkurtimisht se çfarë ka deklaruar para prokurorëve.
“Dhashë shpjegimet e mia në Prokurori”, ka qenë kjo deklarata e Qëndros teksa dilte nga zyra e organit të akuzës.
Më herët, për këtë çështja janë marrë në pyetje 5 zyrtarë të ARRSH. Kujtojmë se pas zbulimit të skandalit nga emisioni ‘Të Paekspozuarit’ , ARRSH pezulloi ndërtimin në lotin e parë tek Unaza e Re.
Ky falsifikim e ka ndihmuar kompaninë Dunwell Haberman, të fitojë lotin prej 18 milionë euro të tenderit për rindërtimin e Unazës së Madhe, duke krijuar imazhin e rremë se kjo është një kompani 20 vejcare dhe me eksperincë në projektet e infrastrukturës. E vërteta është se kjo kompani është themeluar në 25 Qershor 2018, vetëm dy muaj përpara zhvillimit të tenderit.
