Shkarkohen nga puna infermieri Pali Cuni dhe doktori Enes Hafizi, pas një video skandali të publikuar në emisionin Stop. Mbrëmjen e sotme është denoncuar se si shërbimi shëndetësor në Qendrën Spitalore Universitare (QSUT) blihet me para në dorë.
Përmes kamerës së fshehtë, emisioni ka zbuluar se për të hyrë pa radhë në pavionin onkologjik dhe për të bërë rreze, mjafton të paguash të paktën 1000 Euro!
“Kushdo që shkel ligjin dhe rregullat, baltos punën e një komuniteti profesionistësh, mjekësh dhe infermierësh si dhe dëmton raportin e besimit mjek-pacient, do të marrë ndërshkimin e merituar. Askush në sistemin shëndetësor publik nuk duhet të shpërdorojë detyrën dhe besimin e dhënë për t’u shërbyer qytetarëve”, thekson ministrja Ogerta Manastirliu. /Opinion.al
LEXO EDHE-Si paguhen 1 mijë Euro nën dorë tek QSUT
