Denoncimi i bërë publik ditë më parë nga emisioni investigativ “STOP” për hedhjen e mbetjeve spitalore pranë një lumi, u kthye në një skandal akoma më të madh kur administratorja e një firme ushtroi dhunë ndaj gazetarit. Bëhet fjalë për gazetarin e “STOP” Genci Anjellari i cili u dhunua nga administratorja e firmës “Eurotema” Mirela Topulli, për këtë pjesëtarë të mediave dhe shoqërisë civile kanë thirrur një protestë që do të mbahet përpara kryenministrise. Protesta do të zhvillohet ditën e nesërme për dy arsye, kundër ndotjes së ambienteve me këto mbetje dhe për dhunën e ushtruar ndaj gazetarit.
“Neser ne oren 10:00 protestojme kunder ndotjes qe po na behet para syve
Tirana eshte nder qytetet me ndotjen me te madhe ne vend, pavaresisht se ushqehet nga taksa te cfaredollojshme te cilat supozohet se shkojne ne llogari te ambjenteve te perbashketa, ndotja e te cilave po shkakton cdo dite e me shume pasoja te renda per shendetin tone.
Rasti me i fundit ishte rasti i Mireles qe ndot haptazi vendin tone dhe te gjithe ne pame se si ajo nxori dhembet per te mbrojtur “plehrat e saj” ndaj gazetarit i cili ra viktime e dhunes se saj. Sjellja e saj agresive stepi institucionet dhe ndaj saj nuk u mor asnje mase.
Por ne qytetaret e thjeshte qe paguajme per mirembajtjen e ambjentit dhe pretendojme se po behemi nje shoqeri europiane nuk do lejojme qe te na bejne per budallenj.
Neser ne oren 10:00 te paradites mblidhemi para kryeministrise dhe behemi njesh me zerin e Gencit kunder nje Mirele, kunder nje ndotjeje, per te luftuar per te mirat tona te perbashketa, per te ardhmen e ketij vendi”, thuhet në njoftim. /opinion.al
