Ditën e sotme kryeministri Edi Rama ka reaguar pasi mediet italiane zbardhën dosjen e prokurorisë ku thuhej se në 2017, rreth 1400 konteinerë me mbetje toksike ishin nisur drejt vendit tonë për t’u groposur
Në shkrimin e “Il fatto quotidiano” thuhet se ish-senatori italian De Gregorio, tashmë i arrestuar, pronar i faqes online “Pianeta Italia News”, që publikoi 3 vite më parë lajmin për skandalin e mbetjeve toksike të zhdukura në Shqipëri, ishte porositur nga politikanët shqiptarë për të bërë fushatë kundër qeverisë shqiptare.
Rama ka sulmuar Presidentin e Republikës Ilir Meta dhe kryetarin e opozitës Lulzim Basha, duke i treguar si “opozitarët që duan të shpëtojnë atdheun nga ai”.
“Kjo shpifje plehrash kishte synim të furnizonte me municion kundër meje Çadrën nën dritaren e Kryekuvendarit! Po më e neveritshmja është që plehrat i’u hodhën në fytyrë Shqipërisë në sytë e botës. Ja këta janë opozitarët që duan të shpëtojnë atdheun nga unë”, shkruan Rama.
Lidhur me këtë çështje ka reaguar dhe Ilir Kulla, këshilltari Presidentit Ilir Meta. Lidhur me përfshirjen e politikanëve shqiptarë për të prodhura një lajm të rrëmë Kulla, thotë se këto janë shpifje, pasi kështu qeveria kërkon të fshehë dështimin e marrëveshjes për Reformën Zgjedhore.
Reagimi
Te dashur miq kisha vendosur te mos perdorja me facebook por nje fakeneës e servirur ne media sot ne lidhje me emrin tim me detyron ti pergjigjem atyre qe kane merakun te heqin vemendjen nga biznesi me i madh i mafias ne Shqiperi droga dhe mesa duket fatkqesisht nga deshtimi i marreveshjes se Reformes Zgjedhore. Nuk eshte sekret qe une njoh dhe kam shume miq ne Itali. Kryesisht ata jane njerez te medias. Politikes dhe Biznesit. Edhe ne shkrimin ne fjale behet fjale se une paskam njohje me ish Kryetarin e Komisionit te Mbrojtjes te Senatit italian Sergio De Gregorio. Sigurisht kam njohur kete senator dhe shume te tjere deputete, ministra madje dhe Kryeministra dhe Presidente. Pavaresisht qasjes qesharake te nje shkrimi te porositur se une paskam lobuar kunder qeverise Tone ne Itali e atij qe i paskam lobuar dhe me paska paguar per “detyren” qe i paskam dhene. Me duhet te them se kjo eshte vetem nje SHPIFJE dhe asgje me teper. Cdo kritike, oponence dhe opozite qe kam bere me kete qeveri dhe qeverite e meparshme i kam patur publike dhe do ti kem publike. I vetmi koment qe kam eshte SHPIFJE, sa per plehrat ato nuk jane vetem mbetje organike dhe urbane por mbi te gjitha mbetje njerezore. Ilir Kulla/ Opinion.al
