Te Fundit

Skandali i Matësave Energjitikë/Ja se si ministri Naço ndërhyri për tia dhënë biznesin Kunatit të tij


Bëhu pjesë e Grupit Zyrtar të Opinion.al
>> KËTU <<
               Publikuar në : 01:05 - 09/11/15 |
b.f

Kishte një kontratë me CEZ shpërndarje për koalidimin e matësave energjitikë, por duke qenë se ky biznes prodhonte miliona lekë, iu kërkua që 80 për qind e këtyre parave ti shkonin njeriut të cilin e kishin detyruar ta bënte ortak me pahir.

Ky është denoncimi që biznesmenit Venigjar Begaj ka bërë në Prokurori për shkatërrimin e biznesit të tij, duke akuzuar indirekt ministrin e Drejtësisë Nasip Naço, i cili sipas Begaj, në kohën kur ishte Ministër i Ekonomisë, Tregtisë dhe Energjitikës kishte ndërhyrë që këto miliona ti shkonin kunatit të tij, gjë të cilën Begaj nuk e pranoi duke u ndëshkuar me penalizime të njëpasnjëshme me urdhër sipas tij të ministrit Naco.

Po kështu po sipas Begaj një kompani tjetër u autorizua të merrte kontratën me matësat energjitikë që ai kishte fituar me CEZ. Edhe pse Ministri Naço doli dhe sqaroi pozicionin e tij duke thënë se si ish-Ministër i Energjitikës, Ekonomisë dhe Tregtisë, nuk është përfshirë në kontratat mes CEZ-it dhe kompansië së Venigjar Begajt dhe se me ortakun e Begajt nuk ka lidhje gjaku, pretendimet e ministrit Naço janë rrëzuar nga tre dokumente të zbuluara nga ABC News.

Në dokumentin e  parë shihet qartë se me firmën e ministrit Naço, në fund të qershorit 2012, i kërkohet Drejtorisë së Përgjithshme të Metrologjisë të ndërhyjë tek CEZ për t’i ulur 75 % të aktivitetit kompanisë së Begajt, i cili refuzoi kushtin për t’i dhënë 80% të aksioneve krushkut të ministrit.

 

Shkresë në të cilën ministri i kohës, Naço, i kërkon Drejtorisë së Metrologjisë për të kufizuar veprimtarinë e kompanisë së Begajt dhe për të futur në treg kompaninë HTT.

 

shkaresa nasip naco 2

Nisur nga ky urdhër i ministrit, Drejtoria e Përgjithshme e Metrologjisë bën një tjetër shkelje. Kjo drejtori ndërhyn duke i çuar shkresë zyrtare një biznesi privat. Konkretisht CEZ-­it duke i kërkuar të prishë kontratën me kompaninë e Venigjar Begajt.

shkresa nasip naco 3

Madje Drejtoria e Metrologjisë shkon edhe më tej dhe i propozon CEZ­-it një kompani tjetër, e cila pak më vonë do të merrte pothuajse të gjithë biznesin e kolaudimit të matësve të energjisë elektrike. Çka CEZ pak kohë më pas, edhe pse fillimisht refuzoi, e plotësoi kërkesën e Metrologjisë, dhe urdhërin e ministrit, duke ia kaluar 75 për qind të kontratës një kompanie tjetër, por më pas, si pasojë e ndërhyrjeve, CEZ ndryshoi qëndrim.

shkresa nasip naco 4

Kjo shkresë mban firmën e Gledion Rehovica, drejtor atëkohë i Metrologjisë, sot deputet i Lëvizjes Socialiste për Integrim në Kuvendin e Shqipërisë. Shkresa të cilat implikojnë direkt Ministrin Naço në atë që Venigjar Begaj, e quan si ndërhyrje në prishjen me qëllim të biznesit të tij.

 

 

KOMENTO (0)

Shkruaj nje koment

    Pas