Skandali me të dhënat personale në facebook duket se është marrë seriozisht nga ligjvënësit në Mbretërinë e Bashkuar. Ata kanë kërkuar që themeluesi i Facebook Mark Zuckerberg, të jap shpjegime përpara ligjvënësve të Britanisë së Madhe.
Damian Collins, kryetar i komitetit të parlamentit të Britanisë së Madhe, ka kërkuar në mënyrë specifike që Zuckerberg të merret në pyetjet për disa orë rreth skandalit të të dhënave të kompanisë.
Nga ana tjetër Mark Zuckerberg nuk ka pranuar të dal para tyre duke mohuar në mënyrë kategorike të gjitha akuzat kundrejt Facebook për përdorimin e të dhënave personale.
Po ashtu ditën e djeshme Komiteti Gjyqësor i Senatit amerikan ka ftuar shefat ekzekutivë të Facebookut dhe Twitterit për të dëshmuar më 10 prill në një seancë për privatësinë e të dhënave, transmeton Reuters.
Udhëheqësi i komitetit, senatori, Charles Grassley, ka thënë se ka ftuar kryesuesin e Facebookut, Mark Zuckerberg, “për të dëshmuar në gjykatë që të diskutojë për politikat e të kaluarës dhe të ardhmes së këtij rrjeti social duke marrë parasysh mbrojtjen dhe vëzhgimin e të dhënave të konsumatorëve”.
Facebook është duke u përballur me presion nga reklamuesit pas skandalit se një firmë politike konsulente ka pasur qasje në të dhënat e rreth 50 milionë përdoruesve.
/CCN-pershtatur për Opinion.al
