Presidentja e Hungarisë ka dhënë dorëheqjen drejtpërdrejt në televizion pasi mori një vendim për faljen e një shtetasi të dënuar për fshehjen e një rasti të abuzimit seksual të fëmijëve.
“Kërkoj falje për ata që mund të kem ofenduar dhe për të gjitha viktimat që mund të kenë ndjerë se nuk kam qëndruar në mbrojtje të tyre. Kam mbrojtur vazhdimisht mbrojtjen e fëmijëve dhe familjeve. Sot shënoj fjalimin tim të fundit për ju si presidente, pasi ju jap dorëheqjen nga ky post”, tha ajo.
Personi i falur nga Novak ishte nëndrejtori i një shtëpie fëmijësh në Bicske, një qytet pranë Budapestit.
Nëndrejtori, i cili ishte burgosur për tre vjet detyroi fëmijët të tërhiqnin deklaratat për abuzim ndaj drejtorit i cili ishte dënuar me tetë vjet burg për këtë rast.
Përveç dorëheqjes së Novak, një tjetër politikane dha gjithashtu dorëheqjen për të njëjtin rast. Bëhet fjalë për Judit Varga, e cila ishte ministre e Drejtësisë në kohën e faljes.
Polemika që çoi në dorëheqjet erdhi pasi emrat e 25 personave të falur nga zonja Novak në prill të vitit të kaluar, si pjesë e një vizite në Hungari nga Papa Françesku, u bënë publike nga mediat hungareze javën e kaluar.
Në listën e të dënuarve ishte zëvendësdrejtori i një shtëpie fëmijësh pranë Budapestit, i cili ishte burgosur për tre vjet pasi i detyroi fëmijët të tërhiqnin pretendimet për abuzim ndaj drejtorit të shtëpisë.
Vetë drejtori ishte dënuar me tetë vjet burg për abuzimin e fëmijëve në objektin e drejtuar nga qeveria.
Partitë e opozitës hungareze dhe protestuesit kishin kërkuar dorëheqjen e saj, por vendimi i Novak për ta bërë këtë ishte i papritur.
Zonja Novak është një figurë e njohur në Fidesz dhe një politikane e rrallë në një vend të dominuar nga meshkujt. Ajo është një aleate kryesore e hungarezit Orban dhe më parë ka punuar si ministre e familjes së tij.
Në vitin 2022, ajo u bë gruaja e parë që mbajti rolin kryesisht ceremonial të presidentit hungarez./Opinion.al
