Hendbollilsti i përfaqësueses së Maqedonisë, Stole Stoilov, braktisi të enjten manifestimin e organizuar nga Agjencia për Rini dhe Sport, që ndau çmimet për më të mirët e vitit 2018, njofton ‘infOSport.mk’.
Shkak është bërë përdorimi i gjuhës shqipe, që me sa duket ka revoltuar sportistin.
I nervozuar, ai përplasi derën dhe iku. Gjithçka ndodhi në nisje të mbrëmjes gala, ku dy çmimet e para iu ndanë sporteve nga shkollat fillore dhe të mesme dhe që me plotë meritë iu kishin takuar, atyre nga Çairi dhe Tetova.
Përfaqësuesi i shkollës së mesme ekonomike Bujar Ibraimi, ndryshe profesor i sportit dhe kryetar i Lidhjes së Sporteve Komunale në qytetin e Tetovës, iu drejtua pranishmëve në gjuhën shqipe dhe kjo kishte nervozuar tej mase Stoilovin, i cili nuk kishte qëndruar dhe kishte lëshuar para kohe sallën në të cilën i pranishëm ishte edhe kryeministri i vendit, Zoran Zaev.
Vërtetë një gjest i shëmtuar nga një sportist që prezanton Maqedoninë edhe në arenën ndërkombëtare, e për më tepër që i njëjti merr përkrahjen edhe të ‘sportistëve’ tjerë, ku një ndër ta është edhe ish- futbollisti i Rabotniçkit dhe Pobedës, Pançe Qumbev.
