Një tjetër skandal ka shoqëruar sjelljen e pakuptimtë të Policisë së Shtetit para ndeshjes Partizani-Teuta të luajtur në fundjavë në stadiumin “Selman Stërmasi”, ku policia në mënyrë të bëftë krahas biletave u ka kërktur tifozëve të kuq edhe kartat e identitetit duke sjellë si pasojë lenien e tyre jashtë shkallëve të stadiumit. Gjatë këtij momenti Policia ka dhunuar pa shkak dhëndrin e trajnerit të Partizanit i cili edhe ky ishte në radhë për të hyrë në stadium, por ndërsa ka mësuar se nuk mund të hyhet pa kartë identiteti në stadium është drejtuar për ta marrë në makinën e tij, aty ku policët i kanë vendosur një kapuç në kokë dhe e kanë dhunuar barbarisht pa i dhënë shkak. Më pas Malaj ka përfunduar në Polici, ndërkohë që menjëherë pas ngjarjes Malaj ka ngritur padi ndaj dhunës policore. I pajisur me pasaportë italiane, Malaj ka njoftuar edhe ambasadën e tij për dhunën që ka pësuar, si edhe ka kërkuar pamjet e televizioneve që janë gjendur në atë moment në vendngjarje, me qëllim për të argumentuar që është ndaluar dhe dhunuar me të padrejtë nga policia.
