Kombëtarja e Kosovës është përfshirë në një ngjarje “skandaloze”, e cila ka sjellë përjashtimin e lojtarëve Edon Zhegrova, Arjanet Muriç dhe Florent Muslija.
Kështu u bë e ditur nga një njoftim i Federatës së Futbollit të Kosovës.
Largimi i tyre u bë për shkak të thyerjes së rregullores së ekipit kombëtar të vendosur nga përzgjedhësi dhe Federata.
Për masat e mëtejshme ndaj futbollistëve në fjalë, do të vendoset nga Komiteti Ekzekutiv i FFK-së.
Nga ana tjetër, mediat kosovare raportojnë se shkaku është se futbollistët janë parë në një lokal nate në Prishtinë, mbrëmjen e së shtunës, një ditë pas ndeshjes me Rumaninë.
