Prokuroria e Breshias në Itali ka hapur një hetim për të hedhur dritë mbi marrëdhëniet e dyshuara seksuale në burgun “Verziano” dhe jashtë tij, në momentet e “gjysmëlirisë”, mes dy agjenteve femra dhe disa të burgosurve, meshkuj e femra.
Siç raportojnë sot mediat italiane, në qendër të hetimeve është sjellja e dy policeve, e dyshuar në kundërshtim me rregulloren e institucionit, që ndalon lidhjet mes policisë së burgjeve dhe të burgosurve, shkruan Syri.net.
Një nga agjentet ka kërkuar transferimin në burgun e Bollate-s në Milano, sipas burimeve zyrtare, me zgjedhjen e saj dhe jo për imponim apo për shkak të ndonjë dënimi. Ndërkohë, efektivja tjetër, aktualisht është pushim për shkaqe shëndetësore.
