Luhet në “Selman Stërmasi” takimi më i rëndësishëm i javës së 30-të në Kategorinë Superiore mes Partizanit dhe Skënderbeut.
Kjo sfidë pritet të nisë e mangët, me arsyen se tifozëria është ndaluar nga policia të futet në stadium edhe pse gjysma e tij është bosh.
Mësohet se policia ka provokuar vazhdimisht tifozërinë e ekipit të Partizanit, si dhe ka tentuar të fusë autobusin e tifozëve të Skënderbeut në krah të tifozëve të kuq.
Një gjë e tillë nuk lejohet, por që ka ngjallur acarime dhe një situatë jo të mirë mes dy tifozërive.
“Demat e kuq”, janë të detyruar për të marrë pikë të plota nga ky takim, për të qenë ata njëra nga skuadrat shqiptare në Kupat e Evropës.
Nga ana tjetër, korçarët janë thuajse fitues të titullit kampion, pasi kur kanë mbetur dhe 7 takime për t’u zhvilluar janë të shkëputur me 11 pikë nga vendi i dytë, Kukësi.
