Katër të rinj britanikë janë sulmuar seksualisht nga stafi i një hoteli në Antalia të Turqisë.
Ngjarja ka ndodhur në hotelin e quajtur Savk, tre femra dhe një mashkull, pretendojnë se janë sulmuar seksualisht nga stafi i hotelit.
Ata kanë akuzuar policinë turke se kanë injoruar thirrjet e tyre për ndihmë, raporton “Daily Mail”.
Mirëpo, në disa deklarata për mediat britanike ata kanë rrëfyer se natën e tretë të qëndrimit, një nga vajzat, e moshës 19-vjeçare, është sulmuar seksualisht nga një anëtar i stafit të hotelit.
Ndër të tjera, adoleshentët britanikë, theksuan se ky nuk ishte rasti i parë, por ata ishin sulmuar edhe dy herë të tjera brenda katër ditëve të qëndrimit në hotel.
Nga ana tjetër, stafi i hotelit, ka sqaruar se 4-tër të rinjtë britanikë ishin në kërkim të seksit në grup dhe se ata ishin përgjegjësit e vetëm të ngjarjeve që rrodhen përgjatë atyre ditëve.
