Një lojtar i Premier Ligës angleze akuzohet për përdhunimin e një të miture në Francë
23-vjeçari, emri i të cilit nuk bëhet i ditur për arsye ligjore, po pret vendimin e gjykatës, së bashku me kushëririn e tij, i cili tashmë është në moshën 25-vjeçare.
Lojtari i kishte mohuar akuzat, sepse nuk dëshironte që të mërziste të dashurën e tij. Ndërkohë, tani ata do të gjykohen për shkak të veprës së kryer në Nimes të Francës. Të dy mund të dënohen deri në 15 vite burgim, edhe pse i mohojnë akuzat. Sipas burimeve nga policia, vajza e mitur ishte gjetur nga shoqet e shkollës në një gjendje të rëndë në korrik të vitit 2012.
Vajza, e cila tani është 21-vjeç, pretendon se dy personat në fjalë, e kishin sulmuar seksualisht pasi përfituan nga gjendja e saj e dehur.
Ajo thotë gjithashtu se të dy kushërinjtë, e dinin se ajo ishte nën moshë.
Edhe viktima e ka pranuar se kishte qenë nën ndikimin e alkoolit atë ditë. Ajo thotë se dy të akuzuarit i kishin ofruar asaj shumë pije alkoolike me qëllim.
Tani, futbollisti është duke pritur nga gjykata franceze për të marrë vendimin përfundimtar.
