Një denoncim i ish – magazinieres së “Hekurudhës Shqiptare”, Mereme Xhetanit ka nxjerrë në pah një rast të pastër korrupsioni me tenderin e skrapit. Kjo procedurë, e zhvilluar në fund të vitit 2016, nxjerr me të paktën 300 tonë diferencë peshën e lokomotivave.
Kjo mospërputhje, e konstatuar nga zonja Xhetani, i kushtoi asaj vendin e punës. Emisioni ”STOP” arrin të provojë abuzimin me fakte e dokumente, si dhe të llogarisë dëmin financiar.
Këtë skandal e pranon edhe financierja e institucionit, ndërsa drejtori Ilir Dashi “kërkon ta mbyllë”, duke provuar të pijë kafe me gazetarin e emisionit “STOP”.
