KORÇË- Këto janë pamje shokuese. Mbetjet spitalore, burimi më i madh i infeksioneve nuk përpunohen por hidhen direkt në kazanët e plehrave publike. Lajmi është bërë publik nga Inspektoriati Shtetëror i Mjedisit që drejtohet nga Ergys Agasi. Kjo situatë ndodh në gjithë qarkun e Korçës.
“Në përfundim të një kontrolli të bërë në Korçë ka rezultuar se një situatë e rëndë dhe shkelje flagrante të detyrimeve ligjore”, thotë Agasi.
Është gjobitur me 1.500.000 lekë (të reja), për moszbatim të rregullores për administrimin e mbetjeve sptitalore kompania private e kontraktuar për këtë shërbim. ”Gjoba është vënë pas konstatimit se kompania ka pasur mbetje të papërpunuara”, bën të ditur më tej Kryeinspektori Agasi.
Gjithashtu Inspektoriati ka bërë kallëzim penal pranë organeve të drejtësisë për administratorin e kompanisë.
Inspektimi po vijon edhe në qarqe të tjera.
Foto: Mbetje spitalore në kazanët e plehrave të qytetit të Korçës
Foto: Një person që gërmon në plehra dhe gjithashtu disa derra që ushqehen me mbetje spitalore.
Foto: Mbetje spitalore te paperpunuara ne qytetin e Korces
Foto: Mbetje spitalore te paperpunuara ne kazanet e plehrave
