Deniz Aytekin, gjyqtari i ngarkuar me ndeshjen Barcelona-PSG, e cila përfundoi me fitoren e spanjollëve me rezultat 6-1, mund të përballet me një dënim nga UEFA si rezultat i performancës së dobët në gjykim. Sipas gazetës spanjolle ‘Marca’, gjyqtari që ndau drejtësinë në rikthimin më të madh në histori të Ligës së Kampionëve, Aytekin, pritet të dënohet nga UEFA.
Kryetari i shoqatës së gjyqtarëve në UEFA, italiani Pierluigi Collina, i cili vendos për monitorimin dhe përzgjedhjen e gjyqtarëve për ndeshjet e Ligës së Kampionëve dhe Ligës së Evropës, së bashku me ekipin e tij janë duke e monitoruar gjykimin e gjyqtarit gjerman me prejardhje turke.
Marca thekson se sipas Collinas dhe stafit të tij do të ishte më mirë për imazhin e UEFA-s që gjyqtari Aytekin të mos referoj më ndeshje në këtë edicion të Ligës së Kampionëve. Megjithatë, UEFA nuk pritet t’i jap dënim zyrtar gjyqtarit gjerman, por do ta linte jashtë referimit në garat e rëndësishme evropiane.
Ndwrkohw e përditshmja sportive madrilene “AS” ka publikuar së paku katër raste ku gjyqtari Deniz Aytekin ka favorizuar Barcelonën në ndeshjen kundër Paris Saint-Germain.
