Prokuroria e Durrësit është sulmuar dhe është grabitur gjatë natës. Autorët pasi kanë hapur forcërisht dyert e jashtme të institucionit hynë në katin e katërt. Aty kanë kërkuar për materiale dhe dyshohet se morën dosje.
Duhet theksuar se në katin e katërt të Prokurorisë, ndodhet zyra e kryeprokurorit të Durrësit, zyra e prokurorit për Krimet Ekonomike dhe Arshiva.
Nuk dihet saktësisht se çfarë kërkuan autorët, por në këto ambjente u gjetën gjurmët e një bastisjeje. Në vendin e ngjarjes shkoi policia, e cila si fillim mori në pyetje pastruesen që denoncoi e para sulmin. Autorët ende nuk janë identifikuar.
Ky është sulmi i dytë që i bëhet institucionit. Më herët dy persona të paidentifikuar sulmuan postierin dhe i morën atij dokumente sekrete për të cilët ende nuk është bërë zyrtare përmbajtja e tyre.
Ajo çfarë po ndodh me institucionet tona të drejtësisë dhe mungesen e sigurisë është në kuadrin e një skandali. Vetëm një ditë më parë, një i dënuar u arratis nga salla e gjyqit në Vlorë. Pa u hyrë gjemb në këmbë, Mikel Kasaj kërceu në tavolinë sapo dëgjoi vendimin e gjykatës për të qendruar në burg për 3 vite e gjysëm. Ai arriti të ikë me vrap nga dyert e gjykatës edhe ende policia nuk ka mundur ta gjejë.
*video 1: Grabitja e prokurorisë
*video 2: Arratisja nga gjykata
