Kronikë

‘S’kam karburant’/U vetëdogj, Mici la dyert e makinës hapur, ç’thonë familjarët



Bëhu pjesë e Grupit Zyrtar të Opinion.al
>> KËTU <<
               Publikuar në : 09:18 - 05/02/22 |
Opi Nion

Të tjera detaje janë zbuluar për ngjarjen e rëndë të ndodhur mbrëmë e së premtes në Kërrabë, ku një i ri u gjet i djegur në një makinë.

Sipas news 24, kanë qenë kalimtarët e rastit ata që kanë njoftuar policinë  dhe kanë denoncuar se një makinë po digjej. Kur oficeret dhe zjarrfikësit mbërritën në vendngjarje, konstatuan se në pjesën e pasme të mjetit ishte i shtrirë një person, i cili ishte shkrumbuar plotësisht.

Nga hetimet e kryera në teren rezultoi se dera e shoferit dhe dera e pasagjerit ishin të hapura çka e orientoi policinë drejt pistës së vetvrasjes. Po ashtu mësohet se janë këqyrur kamerat e sigurisë në terren nga ku rezultoi se Armand Mici vetëm pak minuta para ngjarjes kishte blerë ne një karburant 13 litra benzinë duke i thënë punonjësit se makina e tij nuk kishte me karburant.

Nga verifikimi i targës së makinës policia identifikoi viktimën dhe mori në pyetje familjaret e tij te cilet treguan se prej 20 ditesh 32-vjeçari kishte shfaqur shenja depresioni dhe qëndronte i mbyllur në vetvete.

Ngjarja e rëndë ndodhi rreth orës 22:30 në rrugën e vjetër të Kërrabës. Në vendngjarje mbërriti edhe drejtori i policisë se Elbasanit, Ardian Çipa dhe drejtori i policisë Kriminale te Policisë së Shtetit./Opinion.al

Pas