Antimafia italiane kërkon ndihmë nga prokuroria shqiptare për të identifikuar pronarët dhe bashkëshpunëtoret e 5 skafistëve të arrestuar në brigjet e Ankonës me rreth 2 ton hashash. Droga u sekuestrua bashkë me gomonen më 13 gusht.
Interforca Italiane ka dorëzuar pranë prokurorisë për krime të rënda një dosje voluminoze dhe disa CD me përgjime, të kryera nga prokuroria e Ankonës ndaj disa personave, të dyshuar si pjesë e një rrjeti të fuqishëm të trafikut të drogës, raporton ABC NEWS.
Burimet thonë se antimafia italiane, kërkon identifikimin e përdoruesve të disa numrave të telefonit, zbardhjen e identitetit të disa individëve pseudonimet e të cilëve janë zbardhur gjatë bisedave telefonike.
Si dhe emrat e 5 të arrestuarve në momentin që po shkarkonin drogën nga skafi, duke kërkuar zbardhjen e bashkpëunëtorëve të ngusht të tyre në Shqipëri.
Në dosje, autoritet italiane thonë se 2 nga 5 të arrestuarit në momentin e ndërhyrjes së policisë kanë hedhur në det aparatet telefonik, të cilët janë gjetur dhe po punohet për zbardhjen e mesazheve dhe bisedave që janë kryer. Ndërsa tre personave të tjerë, i janë sekuestruar aparatet celularë ku kishin të aktivizuar numrat shqiptarë.
Prokuroria e Krimeve të Rënda nuk jep emrat e personave të arrestuar në Itali pasi po punohet për të zbuluar dhe arrestuar bnashkëpunëtorët e tyre në Shqipëri.
Sipas dosjes italiane, në orët e para të mëngjesit të datës 13 gusht, rojet bregdetare kanë pikasur një gomone që po i afrohej brigjeve italiane, duke identifikuar edhe vendin ku do të ankorohej për shkarkim.
Në bazë të këtyre informacioneve, policia ka rrethuar zonën në komunën e Fanos në provincën e Pesaros, ku edhe identifikuan vendin ku ishte nisur gomonia për shkakrimin e mallit.
Tre shtetas shqiptarë po prisnin nën urën hekurudhore në atë zonë pranë bregut ndërsa skafi me dy skafitët është afruar në breg, ku edhe pas rrethimit nga policia u kapën duke shkarkuan rreth 2 tonë hashash që kishte kaluar nga Shqipëria drejt Italisë nga kanali i Otrantos.
