Ka skaduar afati i strehimit në hotelet e Shëngjinit për banorët e Thumanës dhe Laçit të cilët u prekën nga tërmeti tragjik i 26 nëntorit.
Tashmë hotelet kanë nisur përgatitjet për sezonin turistik, gjë e cila ka detyruar banorët të largohen nga ambientet ku po qëndronin që pas 26 nënorit.
Por në një kohë kur hotele i kanë nxjerrë jashtë, disa prej banorëve shprehen se ende nuk kanë përfituar bonus qiraje.
Ata kërkojnë nga qeveria dhe bashkia që t’u japë një zgjidhje, ndërsa theksojnë se policia nuk mund t’i nxjerrë forcërisht nga aty.
Ndërkohë, nga Bashkia Kurbin bëhet sërish me dije se banorët që kanë përfituar bonusin e qirasë do të jenë ata që do të dalin nga hotelet. Nga ana tjetër, nuk jepet asnjë shpjegim për banorët që nuk janë përfitues të bonusit të qirasë.
