Edhe njëherë e rithekson se nuk do të një iniciativë për të ulur palët në një dialog, sa i përket krizës politike. Ilir Meta thotë se palët duhet të jenë ato që duhet të tregojnë interes për të dialoguar njëra me tjetrën.
“Unë nuk kam asnjë instrument kushtetues që do mundja të imponoja vullnetin dhe përgjegjshmërinë time”, tha Meta.
Sipas tij “njëra palët thotë ta çojmë opozitën për skrap, pala tjetër thotë që ne nuk ulemi të flasim me kryeministrin”. Presidenti thotë se deputetët e rinj të opozitës së re nuk janë legjitim, ndërsa qeveria me veprimet dhe mos veprimet e saja ka ndikuar në thellimin e krizës.
“Të dyja palët të mos shkojnë drejt humnerës, sepse nëse shkon deri atje mund të të rrëshqasë këmba. Qeveria e kishte mundësinë të ndalonte veprimin e opozitës. Kur kuvendi kishte 30 ditë për bërë zëvendësimin e deputetëve, ata nxituan. Pati kënaqësi nga qeveria për këtë veprim. Të gjitha këto e përshkallëzuan këtë situatë dhe këtë krizë dhe e bëjnë zgjidhjen më të vështirë”, tha kreu i shtetit.
Po ashtu ai ka folur dhe për takimin që zhvilloi me kreun e PD-së, në Presidencë: Kryetarin e opozitës e kam takuar me kërkesën time, për një çështje që ishte raportuar nga mediat. Qëndrimi i tij është pak a shumë ai që është publik dhe imi është ai që ka qenë dhe mbetet. Mesazhet e mia kanë qenë prej kohësh, të dyja palët nuk bëjnë dot pa njëra tjetrën, zgjidhja nuk është konfrontimi i qytetarëve me policinë. /Opinion.al
