Analisti Ilir Kulla i është përgjigjur ish-ministres së Integrimit, Majlinda Bregu, e cila një ditë më parë deklaroi se akuzat ndaj Romana Vlahutinit dhe Donald Lusë janë fantazi me filma me partizanë”.Duke folur për Zërin e Amerikës, ajo tha se roli i ambasadorëve është diktuar nga vetë politikanët shqiptarë.
Kulla nuk ia përmendi emrin, por kuptohet qartë, se mesazhi është për Bregun, por jo vetëm për të, edhe për ambasadorët.
Statusi i plotë i Kullës
Le ti bëjmë disa pyetje kësaj zonjës dhe ambasadorëve.
A ka shkuar zoti Lu në zyrën e Adriatik Llalles me një përfaqësues të Bankers? Nëse po, çfarë i ka kërkuar?
A e di zoti Lu se Bankers nuk është kompani amerikane?
A e di zoti Lu se në zonën e Zharrësit tërmetet e shkaktuara nga shpimet e puseve nga Bankers kanë shkatërruar gati 300 banesa?
A e dinte zoti Lu se një biznesmen shumë i njohur karburantesh një ditë para se ai të vizitonte Prokurorin e Përgjithshëm kishte qenë po në atë zyrë duke i thënë prokurorit se ambasadori Lu do shkonte të nesërme në zyrë ti bënte presion?
A e ka shkruar zoti Lu kërkesën për Prokurorinë në emër të qeverisë amerikane që i kërkon të mbyllen hetimet për Bankers?
A ka blerë me fondet e BE-së zonja Vlahutin në periferi të Tiranës?
A e di zonja Vlahutin se çmimi në atë zone dhe në atë fshat është 3 herë më pak se ai që ajo e ka blerë?
A njeh zonja në fjalë një seli tjetër diplomatike apo rezidencë në Tiranë të ketë kushtuar po aq?!
A ka kryer më parë një hetim tregu për ‘caminetto’ në atë zonë apo ndonjë zone tjetër të Tiranës?
Dhe një pyetje për mikeshën tonë ish-ministre. A i kujtohet sa funksionare të BE në Bruksel u arrestuan në lidhje me blerjen e zyrave të BE-së në Laprakë në vitin 2009?!
