Pas më shumë se një dekade nga aksidenti me ski, informacionet për legjendën e Formula 1, Michael Schumacher vazhdojnë të jenë të pakta.
Familja e tij ka kërkuar të ruhet privatësia dhe për këtë arsye, të dhënat që dalin nga gjendja e tij shëndetësore janë të kufizuara.
Së fundmi, në lidhje me Schumacher, ka folur gazetari Felix Gorner. Për “RTL”, ai deklaroi se situata është trushtuese, ndërsa theksoi se ish-piloti nuk mund të flasë. “Është një situatë shumë e trishtuar. Ai është një person që ka nevojë për kujdes të vazhdueshëm dhe është i varur nga kjo. Nuk mund të flasë dhe të shprehet verbalisht. Ka maksimumi 20 persona që lejohen të jenë pranë tij. Kjo mendoj se është qasja e duhur, sepse familja po vepron në interesin e tij më të mirë. Schumacher ka qenë gjithmonë mbrojtjes së jetës private dhe kjo nuk do të ndryshojë as këtë herë”, deklaroi Gorner.
Michael Schumacher pësoi një aksident me ski në Dhjetor të vitit 2013 dhe nga ajo kohë dergjet në shtrat.
