Çdo verë Tirana dhe shume vende të Shqipërisë përveç se vuajnë temperaturat ekstreme duhet të durojnë edhe mungesën e thkesuar të ujit e cila është prezente në shumë zona të kryeqytetit, pa përmendur pastaj zonat rurale. Mungesa e ujit, jo vetëm që e përkeqëson problemin e thatësirës ekstreme, por sjell edhe problematika më të mëdha për këta qytetarë.
Prej tre ditësh tashmë, kanë nisur denoncimet e shumta në rrjetet sociale nga ana e qytetarëve të kryeqytetit, të cilët kërkojnë marrjen e masave urgjente për këtë situatë alarmante. Edhe pse problemi është i përsëritur asnjë prej personave kompetent për këtë pjesë nuk ka marrë mundimin të ndryshojë asgjë.
Ditën e sotme, kreu i Bashkisë Tiranë, Erion Veliaj ka kërkuar mbledhjen e Task Forcës në mënyrë që ti jepet fund këtyre problemeve. Ai u ka bërë thirrje qytetarëve që të mos shpërdorojnë ujin, duke “kërcënuar” se abuzuesit do të përballen me Taks Forcën. Gjendja është shpallur emergjente, ndërsa asnjë masë konkrete nuk është marrë ende. Shumë pjesë të Tiranës, ende vazhdojnë të jenë pa ujë, ndërsa Veliaj shprehu sot vendosjen e monitoruesve për çdo lavazh, apo vende të tjera ku kërkohet përdorimi i ujit.
Edhe pse qytetarët kanë përdorur çdo metodë për tu ankuar, madje edhe kanë shkuar nëpër zyra të posaçme, nuk kanë marrë asnjë përgjigje. Veliaj kështu është detyruar të publikojë numrin e emrgjencës civile 112 për të gjithë këto ankesa. Mbetet për tu parë nëse do funksionojë vërtetë.
Denoncimet e Qytetarëve
