Kryeministri Edi Rama ka mbajtur ditën e sotme një konferencë për mediat , teksa ka folur për situatën në veri të Kosovës, të cilën ai e ka quajtur alarmante.
Gjatë fjalës së tij ai thotë se mbështet drafin e propozuar nga Gjermania dhe Franca për Asociacionin e komunave serbe.
Ndër të tjera Rama thekson se është i shqetësuar për tonet ultimative të aleatëve që mund të sjellin pasoja të mëdha.
“Palët nuk po merren dot vesh as se kush do e shkruajë këtë tekst jo më çfarë do të ketë teksti. Ky është dokument konfidencial i cili nuk pretendon të jetë zgjidhja ideale por është një dokument i nivelit më të lartë ndërkombëtar që merr në konsideratë arsyet për krijimin e asociacionit dhe se ai është pjesë e organizimit të jetës në republikën e Kosovës.
Adreson të gjithë rekomandimet e Gjykatës Kushtetuese të saj. Shpresoj që ky material ta çojë dialogun në një nivel tjetër, e jo të flasin me vete e për vete. Situata po bëhet alarmante dhe unë nuk mund të qëndroj spektator duke parë si Kosova tkurret në sytë e atyre që. Jam i shqetësuar për tonet ultimative të aleatëve që mund të sjellin pasoja të mëdha”, tha Rama./Opinion.al
