Aktualitet

Situata shqetësuese me plehrat në Durrës, arrestohet një 52-vjeçar


Bëhu pjesë e Grupit Zyrtar të Opinion.al
>> KËTU <<
               Publikuar në : 10:19 - 10/06/20 |
Al Do

Situata e mbeturinave në Durrës është kthyer në shqetësim për banorët e këtij qyteti. Imazhe me kosha të mbushur dhe plehëra që mbushin rrugët, tregojnë për një problematikë të theksuar higjene në Durrës, tani kur pritet edhe nisja e sezonit turistik.

Ditën e sotme policia ka njoftuar se ka arrestuar një 52-vjeçar, administrator i një firme private, pasi është konstatuar duke hedhur një sasi të konsiderueshme me mbetje ushqimore, në lagjen nr. 14, Durrës, duke shkaktuar ndotje të ajrit.

Materialet në ngarkim të shtetasit R. D. i kaluan Prokurorisë së Rrethit Gjyqësor Durrës, për veprime të mëtejshme.

Situata shqetësuese në Durrës ka ardhur si pasojë e mbylljes së vend-grumbullimit të mbeturinave në Porto Romano. Për shkak të kostos së papërballueshme për t’i çuar mbeturinat në Sharrë, Bashkia Durrës vendosi t’i dërgonte në Manëz.

Ndërkohë vetëm ditën e djeshme u arrit një marrëveshje provizore që mbetjet të dërgohen në Sharrë. /Opinion.al

Pas