Presidentja e Kosovës, Vjosa Osmani ka folur në lidhje me ngjarjet e fundit në veri të Kosovës.
Gjatë një interviste për BBC, Osmani deklaroi se Rusia po ndihmon Serbinë për sulmet në veri të Kosovës, dhe e akuzon atë se ka nxitur përshkallëzimin e situatës në Ballkanin Perëndimor. Ndër të tjera, ajo tha se Serbia po bën marrëveshje armësh dhe gazi me Rusinë.
Nga ana tjetër, presidentja Osmani shtoi faktin se Kosova ka respektuar çdo pikë të marrëveshjes së nënshkruar në Bruksel.
“Gjithmonë iu jemi përgjigjur pozitivisht thirrjeve për dialog. Nuk jemi larguar asnjëherë nga tavolina e dialogut. Me nënshkrimin e marrëveshjes së reciprocitetit në po i respektojmë të gjitha pikat e marrëveshjes së nënshkruar në Bruksel. Duhet pasur një qëndrim shumë të qartë ndaj Serbisë, e cila po luan në duart e Rusisë dhe është vend që nuk ka miratuar sanksione. Serbia në fakt po bën marrëveshje armësh dhe gazi me Rusinë. Në dekadën e fundit që Vuçiq ka drejtuar Serbinë, por veçanërisht në muajt e fundit ku ata vazhduan t’i mbështesin strukturat ilegale në veri të Kosovës të cilat përbëhen nga bandat kriminale. Nëpërmjet tyre dhe duke i manipuluar, ara janë duke e mbajtur pakicën serbe që jeton në Kosovë peng të këtyre politikave të gabuara ”, ka thënë Osmani për BBC./Opinion.al
