Ministria e Shëndetësisë dhe Mbrojtjes Sociale njoftoi se situata epidemiologjike në vend vijon të paraqitet serioze.
Ministria e Shëndetësisë njoftoi se aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 123 pacientë, 18 në terapi intensive dhe 3 të intubuar.
Nga krahasimi i të dhënave me një ditë më parë vihet re se numri i të shtruarve mbetet i njëjtë ndërsa është rritur nga 17 në 18 numri i pacientëve në terapi intensive dhe nga 1 në 3 numri i pacientëve të intubuar.
Në 24 orët e fundit janë shëruar 41 qytetarë, duke e çuar në 2352 numrin e të shëruarve nga fillimi i epidemisë./Opinion.al
