Emisari i Bashkimit Evropian për dialogun Kosovë-Serbi, Miroslav Lajçak është shprehur se marrëveshja e Ohrit ndërmjet Kosovës dhe Serbisë është historike.
Në një intervistë për gazetën austriake “Kurier”, Lajçak tha se zgjedhjet lokale në katër komunat veriore të banuara me shumicë serbe ishin mina mbi të cilat kanë shkelur fatkeqësisht.
“Marrëveshjet e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë, por ka shumë “mina tokësore” përgjatë kësaj rruge që ne nuk duhet të shkelim. Zgjedhjet e prillit ishin një dhe për fat të keq ne i kemi shkelur ato”, tha ai duke shtuar se fokusi i tyre nuk është te normalizimi , por te menaxhimi i krizës.
Ndër të tjera ai foli edhe për vështirësitë mes Albin Kurtit dhe Aleksandër Vuçiç, duke shtuar se ata dy “vëzhgohen afër” nga qytetarët e vendeve të tyre.
“Të dy e kuptojnë se sa i rëndësishëm është ky dialog për ta. Në të njëjtën kohë, është shumë e vështirë për ta. Sepse edhe Vuçiç edhe Kurti e dinë se çdo gjë për të cilën bien dakord do të shikohet nga afër nga qytetarët e tyre dhe publiku. Për shkak të këtij presioni, atyre iu desh një kohë që të krijonin një marrëdhënie pune”,shtoi Lajçak.
