Ministria e Shëndetësisë në Maqedoninë e Veriut, ka njoftuar për 22 raste të reja me koronavirus.
Prej tyre, 13 janë regjistruar në Shkup, 7 në Tetovë dhe 2 në Prilep.
Sipas të dhënave zyrtare, numri i të infektuarve ka arritur në 1664, prej të cilëve 1200 janë shëruar, 91 kanë humbur jetën dhe 373 janë ende aktiv.
Komisioni i Sëmundjeve Infektive ka diskutuar gjendjen pas rritjes së numrit të të infektuarve në tre ditët e fundit dhe më këtë rast ka bërë të ditur se lehtësimi i masave duhet të bëhet në mënyrë graduale, pasi përvoja e vendeve që kanë liruar masat tregon për rritje të numrit të pacientëve të rinj./Opinion.al
