Harvard do lejojë studentët të aplikojnë për pranim në universitet, vitin e ardhshëm, pa paraqitur rezultatet e provimeve SAT ose ACT.
Politika e re për testet e standardizuara vjen si përgjigje e pandemisë sëkoronavirusit, që ‘ka krijuar sfida të pakapërcyeshme në caktimin e orareve apo qendrave tëtesteve për të gjithë studentët, veçanërisht ata me të ardhura modeste ekonomike’, thuhet në faqen e internetit të universitetit.
Kolegji prestigjoz thotë se ndryshimi i përkohshëm duhet të adresojë sfidat e paraqitura nga pandemia, të cilat sollën shumë ndryshime në jetët tona.
Studentët e shkollave të mesme munguan në evente të rëndësishme si mbrëmja e maturës dhe diplomimi këtë vit, dhe kërkesat akademike për studentët gjithashtu kanë pësuar ndryshime për t’ju përshtatur situatës.
“Testet e standardizuara janë vetëm një faktor në ‘procesin e pranimeve të studentëve të Harvardit”, -thotë shkolla. “Rezultatet dhe arritjet brenda dhe jashtë klasës gjatë viteve të shkollës së mesme – përfshirë ndihmën në komunitet, punësimin dhe ndihmën e dhënë familjeve të studentëve, konsiderohen si pjesë e procesit tonë.”
Pra, studentët që po aplikojnë do të konsiderohen dhe vlerësohen bazuar në atë që paraqitet në aplikimin e tyre – jo atë që mungon, sipas Harvard./Opinion.al
