SHBA ka raportuar tre raste të reja të virusit ku infeksioni ka origjinë të panjohur. Një grua në Kaliforni, një nxënëse gjimnazi në Uashington dhe një punëtore e një shkolle fillore në Portland, Oregon janë diagnostikuar me virusin pavarësisht se nuk kanë udhëtuar jashtë shtetit ose kanë patur në kontakt të ngushtë me dikë që është në rrezik të njohur.
SHBA gjithashtu ka forcuar këshillat e saj të udhëtimit, duke e ngritur Iranin dhe Italinë në nivelin tre, duke i këshilluar njerëzit të “shmangin udhëtimet jo të rëndësishme “.
Qendra për Kontrollin dhe Parandalimin e Sëmundjeve ka thënë se do të ketë komplete të reja të testimit të koronavirusit të shpërndara në të gjitha shtetet deri në fund të javës, pasi loti i parë i testeve ishte i gabuar.
Autoritetet amerikane kanë shtyrë një samit të veçantë të Shoqatës së Kombeve të Azisë Juglindore (Asean), e cila do të zhvillohej në Mars në Las Vegas, nga frika e koronavirusit. OKB ka rekomanduar ministrat dhe diplomatët të shmangin udhëtimet për në New York për një takim të Komisionit për Statusin e Grave javën e ardhshme.
Autoritetet në Korenë e Jugut kanë kërkuar nga banorët të qëndrojnë në shtëpi këtë fundjavë në një përpjekje për të frenuar përhapjen e koronavirusit, pasi vendi raportoi rritjen më të madhe të rasteve në një ditë të vetme. Rreth 594 raste u raportuan të shtunën, dhe numri i të vdekurve të vendit është rritur në 17.
Australia ka njoftuar një ndalim udhëtimi për në Iran, duke vendosur udhëtarët nga ai vend në të njëjtat kufizime si njerëzit që kërkojnë të udhëtojnë në Australi nga Kina. Qytetarëve australianë dhe banorëve të përhershëm që kthehen nga secili vend do t’u kërkohet të izolohen për 14 ditë, dhe shtetasit e huaj që kërkojnë të hyjnë në Australi nuk do të jenë në gjendje ta bëjnë këtë deri të paktën 14 ditë pasi të jenë larguar nga Kina ose Irani.
Ky reagim vjen pasi autoritetet në Queensland po përpiqen të gjurmojnë deri në 40 persona që mund të kenë marrë një trajtim bukurie nga një estetiste nga Golden Coast, e cila u kthye nga Irani të hënën dhe më vonë u sëmur. Ajo që nga ajo kohë ka testuar pozitive ndaj koronavirusit.
Irani ka numrin më të lartë të vdekjeve nga koronavirusi jashtë Kinës. Janë raportuar rreth 34 vdekje, por shifra e vërtetë besohet të jetë shumë më e lartë.
Kina raportoi numrin më të ulët të rasteve të reja brenda një muaji, me 427 raste të reja të raportuara, nga të cilat vetëm 4 nuk ishin në provincën Hubei. Vendi ka raportuar 47 vdekje të tjera.
Në nivel global, ka rreth 85,000 raste të infektimit me Covid-19 dhe rreth 2.900 vdekje. Virusi është zbuluar në 58 vende. /Opinion.al
