Maqedonia e Veriut, ka regjistruar të mërkurën, për herë të parë pas një muaji, një numër të shëruarish më të lartë sesa i të infektuarve.
Ministria e Shëndetit njoftoi se 123 persona të shëruar nga Covid-19, në 24 orët e fundit, kundrejt 120 rasteve të reja.
Numri më i madh i të shëruarve është regjistruar në Kumanovë, gjithsej 92 persona dhe në Shkup 17, ndërsa numri i mbetur i të shëruarve është në gjashtë qytete tjera.
Gjatë 24 orëve të fundit janë regjistruar edhe katër persona të vdekur, shifër kjo gjithashtu e ulët në krahasim me dy ditët e fundit kur ishin regjistruar 12 respektivisht 10 viktima.
Të vdekurit janë të gjithë nga Shkupi të moshës 51, 56, 58 dhe 67-vjecare, të cilët kanë pasur edhe probleme tjera shëndetësore.
Numri i përgjithshëm i viktimave tani ka arritur në 306.
Sa i përket të infektuarve, numri më i madh i tyre është regjistruar në Shkup (60 raste), në Tetovë (14) ndërsa rastet tjera në 12 qytete të ndryshme të vendit.
Nga 61,727 teste të kryera deri më tani, 6,454 kanë rezultuar pozitivë me Covid-19 dhe prej tyre 2,598 janë shëruar,
Aktivë ende janë 3,550 persona. / Opinion.al
