Jo më shumë se 5 ditë mjaftuan për të parë se azhornimi i ri i Apple është me probleme. Sistemi iOS 10.2.1 është duke shkaktuar probleme të reja në produktet e kompanisë gjigande teknologjike iPhone, iPad dhe iPod.
Përditësimi sipas Apple përmban rregullime thelbësore të sigurisë, por si duket probleme kanë dalë në sektorë të tjerë të përditësimit të fundit. Problemi i parë është shkaktuar në Touch ID. Sipas raporteve, pasi përdoruesit e instaluan iOS 10.2.1, përditësimi shkaktoi probleme te lexuesit tek shenjat e gishtit. Madje raportohet se ky problem ka prekur iPhone 6 dhe iPhone 6 Plus.
Një tjetër problem ka të bëjë edhe me ndriçimin e ekranit. Sipas përdoruesve që e kanë raportuar këtë problem, ekrani i iPhone po zbehet automatikisht në një përqindje specifike të baterisë.
Problemi tjetër është me Bluetooth. Bluetooth ka kohë që bën probleme në Apple, me iOS 8 që kishte më së shumti, por duket se këto probleme janë kthyer përsëri. Madje si një nga shkaktarët më të mëdhenj të harxhimit të baterisë mendohet të jetë Bluetooth.
