Nëntë civilë kanë humbur jetën dhe 30 të tjerë janë plagosur nga një sulm ajror rus në një treg në Idlib të Sirisë.
Duke konfirmuar viktimat, grupi i mbrojtjes civile “Helmetat e Bardha” tha se sulmi kishte në shenjestër tregun e perimeve në qendrën e rrethit Jisr al-Shughur.
Sipas mediave të huaja, dyshohet se numri i të vdekurve mund të rritet pasi të plagosurit janë dërguar në spital për trajtim në gjendje të rëndë.
Tre avionë luftarakë rusë u nisën nga baza ajrore Khmeimim në Latakia në orën 10.03 të mëngjesit me orën lokale dhe kryen sulme ajrore në tregun e perimeve në distriktin Jisr al-Shug, qendrën e qytetit dhe një fshat, sipas autoriteteve.
Në shtator 2018, Turqia dhe Rusia ranë dakord për ta kthyer Idlibin në një zonë de-eskalimi ku aktet e agresionit janë shprehimisht të ndaluara.
Megjithatë, regjimi sirian dhe aleatët e tij kanë thyer vazhdimisht kushtet e armëpushimit, duke nisur sulme të shpeshta brenda zonës.
Siria është përfshirë në një luftë të egër civile që nga fillimi i vitit 2011, kur regjimi i Bashar Asadit shtypi protestat pro-demokracisë me egërsi të papritur.
Qindra mijëra njerëz janë vrarë dhe më shumë se 10 milionë të tjerë janë zhvendosur, sipas vlerësimeve të OKB-së./Opinion.al
