Ndeshja mes Real Madrid dhe Atletiko Madrid në Ligën e Kampioneve do të drejtohet nga një gjyqtar i njohur për tifozët shqiptarë, anglezi Mark Atkinson, i cili drejtoi takimin e famshëm mes Serbisë dhe Shqipërisë. Edhe Diego Simeone i druhet gjykimit të anglezit dhe në konferencën e sotme për shtyp nuk ka ngurruar të theksojë se shpresonte që ai të kalonte ndeshjen pa rënë në sy.
“E dimë që nuk është e lehtë të arbitrosh dhe njohim vështirësinë dhe trysninë që gjenerojnë këto ambiente. Shpresojmë që të kalojë ndeshjen pa rënë në sy, sidomos për ne që na emocionon ky sport, të na lejojë ta përjetojmë me pasion”, tha Simeone para gazetarëve.
Sipas tij, rezultati i kësaj ndeshjeje është i paparashikueshëm. “Do ta nisin takimin në sulm, siç bëjnë në shtëpi. Unë nuk e imagjinoj rezultatin e kësaj sfide, shpresoj shumë që të jetë e hapur, në mënyrë që të krijojmë mundësi dhe të përfitojmë nga ato.
Megjithatë e di që kanë si opsion ndeshjen e dytë dhe gjithmonë arrijnë të shënojnë gola. E imagjinoj që tani që do të jetë një ndeshje komplekse”, tha Simeone.
