Shqiptarët «shpëtojnë» Brukselin nga gjendja e alarmit për sulm terrorrist, duke i rikthyer qytetit gëzimin dhe festën nën ritmin shiptar, muzikën shqiptare, por mbi të gjitha kostumin shqiptar. Një nga simbolet më të njohura të Brukselit, statuja e Manneken-Pis është veshur në ditën e festës së flamurit me një nga kostumet tradicionale shqiptare. Ashtu si Manneken-Pis e ka shpëtuar Brukselin nga flakët e zjarrit, ashtu dhe shqiptarët e shpëtojnë sot kryeqytetin e Europës nga ankthi i frikës, duke i rikthyer gëzimin e jetës dhe duke i dhënë një dimension edhe më të pasur diversitetit të Brukselit.
Philippe Close, anëtar i këshillit bashkiak për financat dhe turizmin: «Ky është i 943-të i Manneken-Pis. Është kostumi zyrtar 943 që i vishet.
Manneken-Pis kthehet në Manneken-Plis. Përfaqësuesit e qytetit të Brukselit, thonë se sipas traditës, nese kostumi shoqerohet me kapele, atëherë ata duhet ta vendosin atë. Madje, anetar i Këshillit bashkiak të Brukselit, thotë se sot edhe ai vetë sot është një plis.
Philippe Close, anëtar i këshillit bashkiak për financat dhe turizmin: «Sot edhe unë jam plis».
Amet Gjanaj, deputet në Parlamentin e Brukselit: «Shqiptarët janë shumë të lidhur me simbolet dhe kostumin e tyre. Ata kanë një adhurim për flamurin e tyre. Ndaj, sot ata ndihen edhe më pranë belgëve ».
Po cili ështtë Manneken-Pis? Ka të paktën tre legjenda mbi statujën e famshme Manneken- Pis. Por legjenda zyrtare thotë, që ndërkohë që Brukseli rrezikonte të merrkte flakë nga një , një djalosh kaloi aty dhe duke qenë se ai nuk po gjente ujë përreth , vendosi ta shuante me urinën e tij. Dhe kështu shpëtoi Brukselin nga flakët. Kjo është legjenda. Ndërkohë, autoritetet belge rikujtojnë se para se Manneken Pis të bëhej një figurë e njohur e foklorit belg, ai ka qenë mbi të gjitha një i burim uji dhe ka luajtur një rol të konsiderueshëm për shpëndarjen e ujit në shekullin e 15-të. Statuja ka që pjesë e pandashme e realitetit të shekullin të 17 dhe duke i shpëtuar bombardimeve të 1695, Manneken-Pis është kthyer në një nga monumentet kryesore trashëgimisë kulturore të Belgjikës, për të cilin autoritete belge janë përkujdesur për të në mënyrë të veçantë. Gjatë shekullit të 18, autoritette belge e vishnin Menneken Pis me kostume të mrekullueshme 4 herë në vit. Manneken-Pis. Menneken-Pis sot është simboli i foklorit belg të gëzimit të jetës së qytetarëve të saj dhe kapacitetit të tyre për të bëre humor me veten dhe siversitetin kulturor të qytetit.
Manneken-Pis është veshur sot në festën kombëtare të shqiptarëve me një prej kostumeve tradicionale shqiptare. Manneken-Pis merr kështu në dimension shqiponje.
