Ish-kryeministri italian, Silvio Berlusconi, është shtruar në spitalin San Raffaele të Milanos që prej mëngjesit të sotëm.
Sipas Ansa.it, ai ndodhet në terapi intensive për probleme kardiovaskulare ndërsa raportohet se ka mbërritur në spital me probleme respiratore.
Situata e ish-kryeministrit aktualisht është e qëndrueshme, shkruan Ansa.it në artikull.
Kreu i Forza Italia doli nga i njëjti spital më 30 mars.
Berlusconi ishte shtruar më parë në spital në janar 2022, kur iu nënshtrua një sërë kontrollesh që zgjatën tetë ditë, përsëri në spitalin San Raffaele.
Rreth një vit e gjysmë më parë, ai kishte vuajtur nga disa komplikime të rënda të lidhura me Covid-in, të cilat ai vetë i cilësoi si “eksperiencën më të keqe” të jetës.
Covid-19 e kishte detyruar Berluskonin ë të shtrohej në spital për gati dy javë, duke e kthyer më pas në spital për gati një muaj, deri në maj 2021, për shkak të pasojave të sëmundjes./Opinion.al
