Silvio Berlusconi vuan nga një sëmundje e rëndë e gjakut, leucemia. Corriere della Sera raporton se dhimbjet që e mundojnë gjatë këtyre ditëve të fundit e kanë rënduar gjendjen shëndetësore të ish-kryeministrit Italian.
“Vetëm 10 ditë më parë, të hënën e 27 marsit, Silvio Berlusconi hyri në San Raffaele në orët e vona të pasdites, me këmbët e tij. Për ata që janë të mirë informuar për gjendjen shëndetësore të ish-kryeministrit, ky është një detaj i rëndësishëm që na bën të mendojmë për shtrimin rutinë në spital.
Asnjë ambulancë, pa helikopter siç ka ndodhur në të kaluarën. Por dyshimi se diçka nuk shkon vjen menjëherë më pas”-shkruan media italiane.
Berluskoni do të largohet nga spitali vetëm katër ditë më vonë, më 30 mars. Këshillat e mjekëve janë gjithmonë të njëjta: pushim dhe pa stres. Më 2 Prill, të Dielën e Palmës, një foto e publikuar në profilin zyrtar në Instagram tregon Berlusconin të buzëqeshur në lëndinën e Villa San Martino: «Për mua është gjithashtu festa e të gjitha luleve. I dua të gjithë, por mbi të gjitha i dua tulipanët, veçanërisht për shumëllojshmërinë e ngjyrave të tyre. Pra, shikoni se çfarë kam bërë: një lëndinë, një lëndinë e madhe plot tulipanë në shtëpinë time”-shkruan ai.
Dje, vetëm një javë pas kthimit në Arcore, Berluskoni kthehet në spitalin San Raffaele rreth mesditës: edhe një herë hyrja është me makinë private dhe pa ambulancë.
Pak pas orës 1 të pasdites, erdhi lajmi që habiti të gjithë: duhej të futej në reanimacion, pavioni Q, kati – 1. Thashethemet e para flasin për probleme me frymëmarrjen të lidhura me një përsëritje të pneumonisë.
Ata që e njohin mirë Silvio Berluskonin nuk e fshehin se situata është delikate, edhe nëse nuk cilësohet si dramatike. Fëmijët njëri pas tjetrit shkojnë menjëherë për të parë babanë e tyre; nga Marina deri te Barbara, Eleonora dhe në mbrëmje edhe Luigi, tashmë një mijë herë i shqetësuar nga gjendja shëndetësore e themeluesit të Fininvest, Mediaset dhe Forza Italia.
Diçka edhe më serioze vjen menjëherë më pas, Silvio Berlusconi vuan nga një çrregullim i rëndë i gjakut: leucemia.
E njëjta sëmundje që shkaktoi edhe shtrimin e mëparshëm në spital për t’iu nënshtruar jo vetëm analizave rutinë, por edhe trajtimeve të nevojshme./Opinion.al
