Fitorja e Shqipërisë 3 me 0 ndaj Andorrës ishte mëse e merituar dhe ka rritur optimizmi në kampin kuqezi.
Tekniku i Kombëtares Shqiptare, Silvinjo, në një intervistë për Tv Klan pas ndeshjes, u shpreh i lumtur me fitoren. Sipas tij, kjo erdhi si rezultat i ndryshimit të disa skemave të lojës.
“Unë dhe të gjithë djemtë jemi të kënaqur me fitoren. E merituam të fitonim, kemi bërë disa ndryshime të lojtarëve, të skemave. Varet edhe nga ritmi i lojës dhe ndeshja. Ndoshta 4-5 ndryshime janë shumë”.
Në ndeshjen ndaj Andorrës, Broja ishte vendosur në krahun e djathtë. Por a ishte vendosje vetëm për sonte apo do të ta shikojmë sërish në këtë pozicion.
“Të dyja opsionet. Ai mund të jetë i rrezikshëm për kundërshtarët. Varet nga karakteristikat e lojtarit. Ai i jep thellësi lojës”, u shpreh Silvinjo.
Sa i përket lojës në zonën e tretë, tekniku tha se mund të bëhej edhe më mirë, megjithatë kuqezinjtë bënë detyrën.
“Shehu ka bërë ndeshje shumë të mirë në rishpërndarjen e topit. Andorra luante mirë në mbrojtje. Mendoj që kemi arritur shumë mirë edhe me disa pasime të mira të Hoxhës për të krijuar disa aksione”.
Shqipëria mundi 3 me 0 Andorrën në ndeshjen e vlefshme për kualifikueset e Botërorit 2026. Si gjithmonë, sfida u transmetua në ekranin e Tv Klan.
