Agim Zeka do të jetë edhe ndeshjen e sotme në tribunë, duke mos u përfshirë në protokollin e sfidës nga tekniku brazilian i kuqezinjve.
Protokolli i UEFA-s, lejon vetëm 23 lojtarë për një ndeshje, ndërkohë që Shqipëria kishte listën prej 24 futbollistësh.
Në këtë situatë, trajneri Silvinjo, ka vendosur të sakrifikojë sulmuesin Agim Zeka, njëjtë si në ndeshjen ndaj Ukrainës.
Agim Zeka ishte një nga emrat surprizë në listën e trajnerit Silvinjo për ndeshjet e shtatorit në Ligën e Kombeve, duke qenë bashkë me Sebastjan Spahiun debutues në radhët e Kombëtares A.
