“Edhe pse kjo ma copëton zemrën, gjithçka e ka një fund”. Këto fjalë zgjodhi Silvester Stallone për të dhënë lajmin se nuk do t’i vendosë më dorezat e Rocky Balboas.
Pas më shumë se 40 vitesh, aktori 72- vjeçar nëpërmjet një videoje të postuar në Instagram, ka treguar se po heq dorë përfundimisht nga filmi ku ishte protagonist i padiskutueshëm.
“Nuk mund të isha më i lumtur. Tani po bëj një hap mbrapa pasi historia ime është treguar. Një botë e re po hapet për publikun me këtë brez të ri.”
Duke iu referuar pikërisht heroit të filmit “Creed II” Adonis Johnson, ish-Rocky Balboa ia lë atij vazhdimësinë.
Nga viti 1976, aktori ka interpretuar 8 herë rolin që e bëri të famshëm dhe e nominoi për disa herë me radhë në çmimet Oscar.
Tv Klan
