Policia e Shtetit ka publikuar masat e sigurisë që do të merren në prag të derbit Partizani-Tirana në mënyrë që të ruhet qetësia dhe shmangen incidentet e mundshme.
Policia bën me dije se në gatishmëri për këtë ndeshje do të jenë rreth 300 forca policie.
Derbi i kryeqytetit është një ndeshje delikate, pasi në të kaluarën, ka prodhuar jo pak incidente brenda dhe jashtë stadiumit mes dy tifozerive.
Derbi i parë për këtë sezon Partizani-Tirana do të luhet ditën e dielë në orën 19:00 në “Elbasan Arena”
Njoftimi i plotë i Policisë
“Drejtoria Vendore e Policisë Elbasan, ka marrë një sërë masash organizative në drejtim të sigurimit të rendit dhe qetësisë, për zhvillimin sa më normal të ndeshjes kombëtare të futbollit ndërmjet ekipeve “K.F.Partizani” dhe “K.F. Tirana”, e cila do të zhvillohet më datë 25.09.2016 në orën 19:00, në Stadiumin “Elbasan Arena”.
Sa me sipër , në orën 17:00, të datës 25.09.2016 ju bëjmë me dije se:
- Nuk do të lejohet parkimi i automjeteve përreth dhe përballë stadiumit.
- Nga “Kryqëzimi i rrugës së Tapeteve” deri tek “Ish-Konservimi” nuk do të lejohet parkimi dhe qarkullimi i mjeteve.
Lidhur me ndeshjen do të angazhohen 300 punonjës policie, nga Drejtoria Vendore e Policisë Elbasan, Komisariatet vartëse të saj dhe FNSH-ja.
Të gjithë sportëdashesit që do të marrin pjesë në këtë aktivitet, të jenë të pajisur me biletë dhe me kartë identiteti dhe të mos kenë me vete:
- a) sende të forta,
- b) shishe (të çfarëdolloji)
- c) fishekzjarre
- d) monedha apo metale (të çfarëdolloji)
- e) çelësa të ndryshëm
Në të kundert NUK do të lejohen të futen në stadium.
Në hyrje të stadiumit do të kontrrollohen të gjithë sportëdashësit.
Të gjitha lokalet që ndodhen, përreth Stadiumit, nga ora 17:00 dhe deri në përfundim të ndeshjes, të marrin masa të jenë të mbyllura.
Drejtoria Policisë Elbasan i kërkon qytetarëve që të minimizojnë më datë 25 Shtator lëvizjen e tyre me automjet brënda qytetit të Elbasanit, ç’ka do të sillte një ndihmesë të madhe në zhvillimin sa më normal të këtij aktiviteti.
Duke falenderuar qytetarët për mirëkuptimin dhe mediat për bashkëpunimin!”
