Pas grabitjes së ndodhur më 9 prill në aeroportin e Rinasit, mësohet se ICTS, kompania që garantonte sigurinë e aeroportit nuk u licencua për vijimin e aktivitetit. Ky pezullim bëri që kontrata mes kësaj kompanie dhe Tirana Internacional Aeroport , e cila ishte e vlefshme deri në 2020, të ndërpritet.
Pas kësaj ndëprerje, TIA firmosi një kontartë një mujore me punonjësit e kompanisë ICTS, të cilët kanë vijuar punën normalisht. Por gjatë periudhës një mujore, u hap edhe gara për një tjetër kompani e cila do të garantonte sigurinë e aeroportit.
Por, nga ana tjetër ICTS ka nisur “luftën” ligjore, ndërsa mësohet derimë tani ajo ka fituar betejën e patë dhe se gjykata e ka lejuar atë që të vijojë aktivitetin e saj. Gjykata Administrative vendosi të pranojë kërkesën e ICTS për sigurim padie dhe të urdhërojë pezullimin e procesit për licencimin e shoqërive të tjera.
Gjatë gjykimit kompania ngriti pretendime se ndërprerja e menjëhershme e aktivitetit i ka shkaktuar një dëm të madh dhe të pariparueshëm dhe po e detyron të ndërprerë kontratat me 170 punonjësit, të cilët mund edhe ta padisin në gjykatë.
Autoriteti i Aviacionit Civil doli kundër kërkesës duke argumentuar se nuk ka objekt, ndërsa deklaroi se nëse pretendimet e ICTS do të pranoheshin, do të cenohej rëndë interesi publik, pasi bëhet fjalë për aeroportin e vetëm ndërkombëtar, që është dhe objekt i sigurisë kombëtare dhe çdo masë e marrë do të cenonte atë dhe sigurinë e pasagjerëve.
TIA nga ana e saj nuk ka shprehur qëndrim duke e lënë çështjen në vlerësimin e gjykatës.
Pasi shqyrtoi argumentet trupa gjykuese vendosi në favor të kompanisë, duke argumentuar “Marrja e masës së sigurimit të padisë, jo vetëm nuk do të cenonte rëndë imazhin publik, por përkundrazi do të shmangte cenimin e rëndë të interesit publik, pasi në rast se kompania kërkuese nuk do të bashkëpunonte me mjete dhe personel, aeroporti do te ishte në kolaps dhe jashtë funksionimit”.
Referuar këtij vendimi, TIA duhet të ndërprerë procedurat për përzgjedhjen e një kompanie të re, ndërsa duhet të lejojë ICTS të garantojë sigurinë ne Rinas, gjë e cila nuk ka ndodhur.
Ndërkohë, Krislen Keri, Drejtori i Aviacionit Civil, është shprehur gjatë një reagimi për mediat se se siguria në aeroport po garantohet nga vetë koncesionari, pasi sipas tij ekziston jë kontratë mes koncesionarit dhe punonjësve të ICTS.
Ndërkohë, Drejtori i Aviacionit Civil, Krislen Keri, gjatë një bisede telefonike tha se siguria në aeroport po garantohet nga vetë koncesionari, i cili në dijeninë e tij, ka lidhur kontrata me punonjësit e ICTS deri në fund të këtij viti./ Opinion.al E.Xh.
