Policia Kufitare e Durrësit ka bllokuar 6 mjete lundruese nga Shëngjini në Kavajë.
Uniformat blu bëjnë me dije se janë gjobitur edhe drejtuesit e këtyre mjeteve lundruese me masën administrative 10000-20000 lekë.
Sipas informacioneve zyrtare u bllokuan: 4 Jet Ski, 1 skaf dhe 1 gomone.
“Në të gjithë hapësirën detare të qarkut Durrës, grupe kontrolli nga Njësia Policore Detare dhe nga Policia Kufitare vijojnë verifikimet ndaj mjeteve lundruese, me qëllimin e vetëm parandalimin e incidenteve me pasoja për jetën dhe shëndetin e pushuesve.
Nga monitorimi i vazhdueshëm i vijës bregdetare dhe i hapësirës ujore të qarkut Durrës, me objektivin primar, garantimin e sigurisë së jetës së qytetarëve dhe pushuesve, shërbimet e Njësisë Policore Detare dhe ato të Policisë Kufitare të DVKM Durrës, kanë bllokuar në Shëngjin, Spille dhe Durrës, 6 mjete të tjera lundruese, të cilat u konstatuan në paligjshmëri të ndryshme, konkretisht:
-4 Jet Ski u bllokuan pasi u konstatuan mungesa në dokumentacion. Secili prej drejtuesve të tyre u ndëshkua me masë administrative 10 000 lekë;
-1 skaf dhe 1 gomone u bllokuan pasi drejtuesit e tyre kishin tejkaluar afatin që parashikon ligji, për regjistrimin e pronësisë mbi mjetin lundrues. Secili nga këta shtetas u ndëshkua me masë administrative 20 000 lekë.
Kontrollet dhe verifikimet vijojnë në të gjithë vijën bregdetare të qarkut”, thuhet në njoftimin e policisë./Opinion.al
