Nuk humb kohë. Presidenti Ilir Meta ka thirrur në një takim kreun e SHISH, Helidon Bendon si dhe komandantin e Gardës së Republikës. E gjithë kjo lëvizje vjen pas informacioneve se siguria e kreut të opozitës Lulzim Basha është në rrezik.
Vetë ministri i Brendshëm Sandër Lleshaj të premten e kaluar ka thirrur në një takim punonjësin e Gardës së Republikës, i cili ka për detyrë sigurinë e kreut të PD-së.
Bëhet fjalë për një takim që ka ndodhur në 14 qershor, në zyrën e ministrit, mes tij dhe gardistit Feim Dollapaj. Në këtë takim, Lleshaj i tha thënë truprojës së Bashës se “ ka informacione të tërthorta dhe të besueshme mbi rrezikun që i kanoset sigurisë së kryetarit të opozitës dhe nëse zoti Basha kërkon masa shtesë sigurie”./ Opinion.al
