Ministri i Brendshëm, Sandër Lleshaj ka mohuar të jetë takuar me shoqëruesin e Lulzim Bashës si dhe faktin që ka pasur informacione se kreut të PD i rrezikohet siguria.
Në një intervistë për A2 CNN, Llleshaj thotë se ky është një lajm i sajuar nga PD.
“Nuk ka asgjë të vërtetë, ky është një lajm i sajuar nga Partia Demokratike. Nuk kam asnjë informacion për kërcënime ndaj zotit Basha. Duhet të pyesni Partinë Demokratike për lajme që sajon Partia Demokratike. PD po tenton të prodhojë lajm, në kushte pamundësie për të prodhuar lajm sot, ka lajme të tjera sot” tha Lleshaj.
Sipas sekretarit të Përgjithshëm të PD-së më herët, në një letër drejtuar ministrit Lleshaj thuhet se ky takim është bërë në shkelje të çdo procedure dhe çdo mënyrë institucionale për trajtimin e kësaj çështjeje.
Në letrën e PD për ministrin e Brendshëm thuhet se duke marrë parasysh rrethanat dhe shkeljet ligjore në trajtimin e kësaj çështjeje, përforcohet dyshimi se qëllimi i vërtetë i takimit ka qenë shantazhi i kryetarit të Opozitës. /Opinion.al
