Kuvendi i Shqipërisë ka nisur paraditen e sotme interpelancën me Ministrin e Brendshëm Sandër Lleshaj të kërkuar nga deputeti Lefter Maliqi dhe disa deputetë të tjerë të opozitës.
Deputetët e opozitës kanë kërkuar interpelancë me Ministrin e Brendshëm për çështjet e krimit në vend, për kanabisin, për dhunën policore që është ushtruar ndaj disa banorëve të Astirit, për çështjet e azilkërkimit dhe për ngjarjet e pazbardhura kriminale.
Gjatë fjalës së tij në Kuvend, Lleshaj është shprehur se përsa i parketë sigurisë në vend, gjendja është janë parametrat më të mira në 30 vitet e fundit. Ministri i Brendshëm deklaroi se vetëm në vitin 2019 janë shkatërruar 24 grupe kriminale si dhe 204 persona që ishin pjesë e krimit të organizuar janë arrestuar
“Nuk ka situatë të rëndë në vend. Por ka situatën më të mirë ndonjëherë për sigurinë në vend. shifrat thonë të kundërtën e asaj që thoni ju. Gjendja është në parametrat më të mirë historike. Vrasjet rrëmbimet krimet kultivimin e drogës e shumë parametra të tjerë. Shifrat tregojnë se janë parametrat më të mira të paktën në 30 vitet e fundit. Sot jemi 30 vrasje më pak se mesatarja e vrasjeve të 10 viteve të fundit. Kemi një vend shumë më të mirë shumë më të sigurtë. Gjendja e sigurisë në vend është produkt i sjelljes së qytetarëve. Është në funksion të qytetarëve dhe na masat e marra nga qeveria si dhe angazhimi i policisë së shtetit. Vetëm në 2019 është bërë një punë e madhe. Janë shkatërruar 24 grupe kriminale. Janë arrestuar 204 persona për pjesëmarrje në krimin e organizuar dhe botës së krimit. Niveli i zbulueshmërisë është rritur.” tha Llleshaj. / Opinion.al
