Ministri i Brendshëm, Taulant Balla ka reaguar lidhur me sigurinë në plazhe dhe kontrollet e ushtruara nga policia nga Velipoja në Ksamil.
Përmes një deklarate, Balla përgëzon Policinë e Shtetit dhe Njësive Policore detare për reagimin në kohë ndaj rasteve të shkelësve.
Ai i ka bërë thirrje publikut që të denoncojnë çdo rast të personave që nuk respektojnë perimetrin e sigurisë në plazhe.
“Policia Kufitare dhe Njësia Policore detare duhet të rrisin vigjilencën për të garantuar paprekshmërinë e perimetrit të sigurisë në plazhet e gjithë vendit.
Përgëzime Policisë Kufitare dhe Njësive Policore detare nga Ksamili deri në Velipojë, për reagimin në kohë ndaj rasteve të shkelësve. Nxis publikun të denoncojë çdo rast”, tha Balla.
